РАДОЊА

Живот и дело

Книжевник кој своето дејствување го поврзува со градот Кратово или со Лесновскиот манастир.

Книжевник кој своето дејствување го поврзува со градот Кратово или со Лесновскиот манастир. Тој во 1429 година, најверојатно во Лесново, во храмот на „Св. Архангел Михаил“, препишал Празничен минеј, за периодот февруари-август. Врз ракописот оставил запис на л. 173а кој ги содржи главно сите податоци со кои располагаме за книжевникот. Во него недоволно читко се идентификува местото на пишување на ракописот. Постојат индикации, во распознавање на б...

Книжевник кој своето дејствување го поврзува со градот Кратово или со Лесновскиот манастир. Тој во 1429 година, најверојатно во Лесново, во храмот на „Св. Архангел Михаил“, препишал Празничен минеј, за периодот февруари-август. Врз ракописот оставил запис на л. 173а кој ги содржи главно сите податоци со кои располагаме за книжевникот. Во него недоволно читко се идентификува местото на пишување на ракописот. Постојат индикации, во распознавање на буквата „р“ во почетните букви од локалитетот, кои упатуваат на можноста тоа место да е и градот Кратово. Се работи за реална претпоставка, бидејќи Кратово и Лесново се блиски и соседни региони, меѓу кои често се вршела размена на ракописни книги и предлошки. Ракописот го пишувал по нарачка на некој Радослав Винудом. Врз ракописот постојат записи од неговиот престој во Лесновската библиотека, во кои се споменува храмот  „Св. Архангел Михаил“. Ракописот денес се чува во Белград, во Универзитетската библиотека, сигн. Ќор.13. (М. Ј.-Т.)