ДРАЈКО

Живот и дело

Од негова рака произлегува т.н. Бдинскиот (Драјков) апостол, кој припаѓа кон полниот тип апостоли.

Книжевник по потекло од Бдина Града кој своето дејствување го врзува со Лесновскиот манастир. Од негова рака произлегува т.н. Бдинскиот (Драјков) апостол, кој припаѓа кон полниот тип апостоли.  Од записот на л. 255 од раката на пишувачот Драјко од Бдина Града се открива дека апостолот е пишуван во времето на цар Мурат во 1428 година. Друг запис на л. 255б дава информација дека во 1519 година игуменот на Лесновскиот манастир Дионисие ја продал оваа книга ...

Книжевник по потекло од Бдина Града кој своето дејствување го врзува со Лесновскиот манастир. Од негова рака произлегува т.н. Бдинскиот (Драјков) апостол, кој припаѓа кон полниот тип апостоли.  Од записот на л. 255 од раката на пишувачот Драјко од Бдина Града се открива дека апостолот е пишуван во времето на цар Мурат во 1428 година. Друг запис на л. 255б дава информација дека во 1519 година игуменот на Лесновскиот манастир Дионисие ја продал оваа книга на јеромонахот Стефан и на други лица од градот Штип. В. Мошин дава толкување во врска со правописот и местото на пишување на ракописот, при што заклучува дека во пишувањето прво се применувал јусов правописен систем со редовна употреба на јусови графеми и на двата полугласа според правилата на Ефтимиевата реформа. Кон крајот на ракописот јусовите се губат или се јавуваат инцидентно и преовладува српскиот правопис, иако пишувачот на ракописот е ист. Тоа го наведува В. Мошин, заклучувајќи дека пред 1428 година, Драјко од Бдин доаѓа во Лесновскиот манастир, каде што го започнал пишувањето на апостолот, прво со правописните норми карактеристични за својата претходна школа, а подоцна преминува кон безјусовиот правописен систем практикуван во XV век во Лесновскиот книжевен центар. Ракописот денес се чува во Загреб, Архив на ХАЗУ, сигн. III в 16 (Михановиќ 19). (М. Ј.-Т.)