РА(С)ТКО

Живот и дело

Пишувал празничен минеј, кој во поранешните истражувања се именуваше како Ваташки општ минеј.

Книжевник кој дејствувал во некој манастир во близината на село Мешеишта, Охридско. Пишувал празничен минеј, кој во поранешните истражувања се именуваше како Ваташки општ минеј. Според записот оставен на крајот од ракописот на л. 225 б., во кој нејасно се чита името на книжевникот, ги дознаваме основните податоци за него, идентификуван од Ѓ. Поп-Атанасов, како Ра(с)тко или Ратко од Мешишта. Ракописот го пишувал во 1453 г. како што јасно стои во записот: за време н...

Книжевник кој дејствувал во некој манастир во близината на село Мешеишта, Охридско. Пишувал празничен минеј, кој во поранешните истражувања се именуваше како Ваташки општ минеј. Според записот оставен на крајот од ракописот на л. 225 б., во кој нејасно се чита името на книжевникот, ги дознаваме основните податоци за него, идентификуван од Ѓ. Поп-Атанасов, како Ра(с)тко или Ратко од Мешишта. Ракописот го пишувал во 1453 г. како што јасно стои во записот: за време на опсадата и заземањето на Цариград од Турците. Прашањето за местото на настанувањето сѐ уште не е дефинитивно разрешено, иако тоа се врзува за некој манастир во близината на охридските села – во Мешеишта или во Мислешево, поради присуството на разновидни типикарски упатства кон текстот на црковните служби во кои се зборува за манастир, егумен, манастирски браќа. Во пишувањето учествувале уште три други пишувачи. Ракописот се чува во Скопје, Филолошки факултет „Блаже Конески“, инв. бр. 1392. (М. Ј.-Т.)