ДАСКАЛ ХАЏИ-БАБА

Живот и дело

Македонски книжевник – дамаскинар.

Македонски книжевник – дамаскинар. Кон крајот на XVIII век и почетокот на XIX век во Цариград пишувал ракописен текст што претставува апокрифен зборник (49 л.). За него дознаваме од записот на л. 56 и на л.6а, во кој Хаџи-Баба даскал информира дека престојувал подолго време во Цариград, поради што тагувал за родниот крај. Можно е во Цариград да дошол на печалба, а веројатно бил занаетчија, терзија. Тука го пишувал и делот во апокрифниот зборник, што збо...

Македонски книжевник – дамаскинар. Кон крајот на XVIII век и почетокот на XIX век во Цариград пишувал ракописен текст што претставува апокрифен зборник (49 л.). За него дознаваме од записот на л. 56 и на л.6а, во кој Хаџи-Баба даскал информира дека престојувал подолго време во Цариград, поради што тагувал за родниот крај. Можно е во Цариград да дошол на печалба, а веројатно бил занаетчија, терзија. Тука го пишувал и делот во апокрифниот зборник, што зборува и за одредени негови афинитети кон книжевната дејност. Во записите е карактеристична примената на чист македонски народен говор, а текстот одразува јазични карактеристики на македонски народен говор со црковнословенски елементи. Стилот е едноставен, препознатлив за т.н. „народни“ зборници со религиозно-поучен карактер и со содржина блиска до обичниот читател. (М. Ј.-Т.)