ГЕОРГИ ГРАМАТИК

Живот и дело

Книжевник, продолжувач на писмената и книжевната традиција од Охридската книжевна школа.

Книжевник, продолжувач на писмената и книжевната традиција од Охридската книжевна школа. Работел во скрипториум од Кичевскиот крај со храм посветен на „Св. Врачи“, во период кога во Македонија сѐ уште постоеле колебања при пишувањето со глаголичко и кирилично словенско писмо. Од него се евидентира само преписот на посен триод, пишуван од глаголичка предлошка која му припаѓала на поп Георги од селото Вапа во Дебарска Жупа. Присуство на глаголичко писмо ...

Книжевник, продолжувач на писмената и книжевната традиција од Охридската книжевна школа. Работел во скрипториум од Кичевскиот крај со храм посветен на „Св. Врачи“, во период кога во Македонија сѐ уште постоеле колебања при пишувањето со глаголичко и кирилично словенско писмо. Од него се евидентира само преписот на посен триод, пишуван од глаголичка предлошка која му припаѓала на поп Георги од селото Вапа во Дебарска Жупа. Присуство на глаголичко писмо се евидентира и во записите на книжевникот. Има скратена текстолошка структура, што го прави карактеристичен во однос на другите преписи на триодот. Во него се зачувани и преписите од оригиналните химнографски дела на Константин Презвитер  со уникатен акростих. Како литургиски зборник е значаен и од музиколошки аспект, зашто во него се среќава употребата на екфонетски нотни знаци од најстар тип, како и реткиот музички знак тита. Поради тоа што во 1898 година бил донесен во Трговската агенција во Битола, ракописот е познат како Битолски триод. Денес се чува во Софија, БАН бр. 38. (И.В.)