Енциклопедија на македонската книжевност

Живот и дело

Еден од поистакнатите книжевници кој пишувал со македонска јусова редакција во некој од македонските скрипторски центри.

Еден од поистакнатите книжевници кој пишувал со македонска јусова редакција во некој од македонските скрипторски центри. Евидентирани се негови два преписи на празнични минеи, пишувани во втората половина на XIII век. Кон средината на XIX век ги пронашол Виктор Григорович во Зографскиот манастир на Света Гора, кога и ги однел на чување во Украина и во Русија. Првиот Добријанов минеј бил пишуван за архимандритот Никодим, а во содржината има и преписи од словенските оригинални химнографски творби: Служба за св. Кирил (под 14 февруари), заедничка Служба за св. Кирил и Методиј (под 6 април) – а чие авторство му се припишува на св. Климент Охридски и Служба за св. Ахил Преспански/Лариски. Еден дел од ракописот со 76 листови се чува во Одеса (Државна научна библиотека, Р 4/17), а е зачуван и друг фрагмент со 16 листови во Санкт Петербург (Руска академија на науките, сигн. 24.4.12, Срезневски 59). Вториот Добријанов минеј има пообемна содржина, а само стихирарот за месецот април го пишувал друг анонимен книжевник. Во него се среќаваат неколку палимпсестни листови со првичен постар византискогрчки текст и со траги од музичка тита-нотација. Во содржината има и преписи од словенски оригинални творби: Служба за св. Кирил, под која книжевникот напишал нови состави во вид на записи; Стихири за св. Методиј; Канон за првомаченикот Стефан и за Стефан I папа Тимски, чиј автор е св. Климент Охридски; и др. Ракописот се чува во Одеса (Државна научна библиотека, Григ. 1/5 – 24). (И.В.)

Повеќе

Автор

ДОБРИЈАН
XIII век - XIII век
средновековна книжевност
автор

Опус

Преписи:

Добријанов минеј (1). XIII век. Одеса: Државна научна библиотека (76 л.), Р 4/17, Санкт Петербург: Руска академија на науките (16л.) сигн. 24.4.12, Срезневски 59; Добријанов минеј (2). XIII век. Одеса: Државна научна библиотека, Григ. 1/5 – 24.

Библиографија

Велев, Илија. 2014. Историја на македонската книжевност. т. 1. Средновековна книжевност (IX-XIV век). Скопје: Гирланда, стр. 454-455; Григорович, Виктор. И. 1862. Древне-славянский памятник дополняющий житие славянских апостолов святых Кирилла и Мефодия. Казань: Тип. Казан, ун-та, стр. 5-19; Десподова, Вангелија. 2000. Студии за македонското средновековно книжевно наследство. Прилеп: Институт за старословенска култура, Скопје: Матица македонска, стр. 92-94; Королькова, Елена. Г. и Кравченко, Ж. И. 1963. „Славянские рукописи нерусского произхождения Одесской Государственной научной библиотеки имени А.М.Горького“. Известия на Народната библиотека и библиотеката на Софийския държавен университет, т. III (IX). София: 29-41; Македонска книжевност IX-XVIII век. Избор, редакција, предговор, книжевно-историски коментари и белешки Илија Велев. Битола: Микена, стр. 223-224; Поп-Атанасов, Ѓорги. 1989. Речник на старата македонска литература. Скопје: Македонска книга, стр. 79-80; Поп-Атанасов, Ѓорги, Велев, Илија и Јакимовска-Тошиќ, Маја . 2004. Творци на македонската литература (IX-XVIII век). Скопје: ИМЛ, стр. 56-57; Поп-Атанасов, Ѓорги. 2017. Словенски ракописи од Македонија во странски ракописни збирки X-XIX век. Скопје: МАНУ, стр. 107-108.

Живот и дело

Опус

Библиографија

Контакт

Поважни линкови

ДОБРИЈАН

Живот и дело

Опус

Библиографија

Контакт

Поважни линкови