ДИЈАК ДАБИША

Живот и дело

Книжевник, еден од главните писци во Виргинскиот манастир „Св. Ѓорѓи – Горг“ на Виргино Брдо кај Скопје.

Книжевник, еден од главните писци во Виргинскиот манастир „Св. Ѓорѓи – Горг“ на Виргино Брдо кај Скопје. При завојувањата на крал Милутин во Македонија, кон крајот на 1299 и во 1300 година, тој станал дел од тричлената комисија која требала да ги проследи поранешните даровни грамоти на манастирот, за да се изготви нова со потврдување на имотите од српскиот владетел. Неговата улога била книжевна, да ја пишува новата Виргинска грамота. Главн...

Книжевник, еден од главните писци во Виргинскиот манастир „Св. Ѓорѓи – Горг“ на Виргино Брдо кај Скопје. При завојувањата на крал Милутин во Македонија, кон крајот на 1299 и во 1300 година, тој станал дел од тричлената комисија која требала да ги проследи поранешните даровни грамоти на манастирот, за да се изготви нова со потврдување на имотите од српскиот владетел. Неговата улога била книжевна, да ја пишува новата Виргинска грамота. Главните податоци за настанувањето на Грамотата се содржани во нејзината короборација, според која овој ракописен книжевно-правен споменик книжевникот го пишувал задолжен од манастирскиот игумен Никодим. Во короборацијата тој е запишан како дијак, што сведочи дека служел во манастирското братство – а не бил дворски писец. Виргинската грамота е зачувана во два преписи од средината и од 3-тата четвртина на XIV век, кои се чуваат во Хилендарскиот манастир на Света Гора. Секако дека од овој книжевник напишал повеќе ракописни книги во Виргинскиот скрипториум, но за жал тие исчезнале при уривањето на манастирскиот храм. При идни истражувања постои веројатност некои од нив и да бидат идентификувани, како зачувани и разнесени по други краеви. (И.В.)