Енциклопедија на македонската книжевност

Живот и дело

Потписничка на досега најдолгиот евидентиран текст објавен од македонска жена на страниците на дневниот печат во Македонија под османлиска власт.

Просветен деец и публицист. Маџарова е потписничка на досега најдолгиот евидентиран текст објавен од македонска жена на страниците на дневниот печат во Македонија под османлиска власт, односно до 1912 година. Таа е авторка на статијата „Главните квалитети кои треба да ги поседува една добра учителка-воспитувачка“, објавена во две продолженија на страниците на весникот Вести.

Потекнувала од семејство со силно изразени просветителски тенденции. Се школувала во родното...

Потекнувала од семејство со силно изразени просветителски тенденции. Се школувала во родното село и во Женската егзархиска гимназија во Солун, која ја завршила во 1904 година. Веднаш потоа се оддала на учителската професија, па во учебната 1905/1906 г., започнала да работи како учителка во Машкото егзархиско педагошко училиште во Сер. По Балканските војни Олга со нејзиниот сопруг се преселиле во Горна Џумаја, каде што најверојатно и починала.

Текстот „Главните квалитети кои треба да ги поседува една добра учителка-воспитувачка“, бил објавен во две продолженија на страниците на весникот Вести, од кои првиот дел е објавен во бројот 71 од 30 јули 1904 г., а вториот во број 72 од 3 август истата година. Под насловот на првиот дел стои информацијата: „Реч произнесена од ученичката Олга Маџарова на годишниот акт (завршниот испит – бел. С. К.) на Солунската женска гимназија на 37 јуни оваа, 1904) година“. Статијата се однесува на значењето на квалитетното женско образование и претставува дел од женското прашање во XIX век воопшто. Во објавениот текст на Маџарова доминираат теми кои своевремено биле доста актуелни: модата и модните трендови на женската популација, моралните карактеристики и односот во јавноста на учителките, литературата која се читала и се препорачувала и начинот на извршување на професионалните должности. Одбраните зборови со кои се служела младата авторка ни укажуваат дека поседувала дарба на раскажувач за да ги искаже на свој начин размислувањата полни со надеж и идеали за подобра иднината. (С. К.)

Опус

„Главнитѣ качества, които трѣба да притежава една добра учителка-възпитателка“. 1904. Вѣсти, брой 71. Стр. 4-5; „Главнитѣ качества, които трѣба да притежава една добра учителка-възпитателка“. 1904. Вѣсти брой 72, стр. 3-4.

Библиографија

Ковилоски, Славчо. 2021. „Статијата ‘Главните квалитети кои треба да ги поседува една добра учителка-воспитувачка’ од Олга Маџарова“. Контекст бр. 23, стр. 69-75.

Живот и дело

Опус

Библиографија

Контакт

Поважни линкови

ОЛГА МАЏАРОВА (КАРАЏОВА)

Живот и дело

Опус

Библиографија

Контакт

Поважни линкови