Енциклопедија на македонската книжевност

Живот и дело

Случувањата од НОБ и Револуцијата претставуваат изворна инспирација во најголемиот дел од неговото литературно творештво.

Македонски поет, романсиер, поет за деца, литературен историчар и фолклорист. По завршувањето на гимназиското образование во родниот град и во Скопје, дипломирал на Катедрата за југословенски литератури и македонски јазик на Филозофскиот факултет во Скопје, каде што и докторирал со темата „Печалбарството во македонската народна и уметничка литература“. Работел како гимназиски професор во Кавадарци и во Учителската школа во Битола, а потоа предавал на тамошната Педагошк...

Со пишување поезија на македонски јазик почнал по распадот на Кралството Југославија во 1941 г. Во тој период доаѓа во допир со поезијата на Венко Марковски и со некои песни на Кочо Рацин. Во 1942 г. го оформува циклусот „Роб“ и поемата „Тиквеш се дига“, а следната година го оформува циклусот „Сирак-скитник“ и првата верзија на поемата „Крвава блокада“. За време на студиите во Скопје, Каровски објавува свои стихови во тогашната периодика и во заеднички поетски публикации заедно со македонските поети од првата генерација. Од 1946 г. објавува самостојни стихозбирки за возрасни и деца, а потоа и романи и радиодрами. Случувањата од НОБ и Револуцијата претставуваат изворна инспирација во најголемиот дел од неговото литературно творештво. (Д. А.)

Повеќе

Автор

ЛАЗО КАРОВСКИ
17.II 1927, Кавадарци - 3.II 2000, Скопје
современа книжевност
автор поезија проза драма роман

Опус

Овчарче. 1946. Скопје: Државно книгоиздателство на Македонија (поезија за деца); Крвава блокада. 1947. Скопје: Државно книгоиздателство на Македонија (поезија); Тиквешка легенда. 1948. Скопје: Државно книгоиздателство на Македонија (поезија); Родината в песни. 1951. Скопје: Кочо Рацин (поезија); Момина чука. 1955. Скопје: Кочо Рацин (поезија); Песната на славејот. 1955. Скопје: Детска радост (поезија за деца); Патишта. 1961. Скопје: Кочо Рацин (роман); Родина. 1964. Скопје: Кочо Рацин (роман); Песни 1967. Скопје: Македонска книга, Детска радост; Ставини. 1967. Скопје: Мисла (поезија); Климент Охридски. 1969. Скопје: Мисла (роман); Поезија. 1969. Скопје: Мисла; Заорок. 1971. Скопје: Наша книга (роман); Митко шета со ракета. 1972. Скопје: Детска радост (поезија за деца); Раскин. 1977. Скопје: Наша книга (роман); Нека летаат гулабите. 1986. Скопје: Детска радост (кратка проза); Родина. 1988. Скопје: Наша книга, Македонска книга, Култура, Мисла, Детска радост (поезија); На половина пат. 1991. Битола: Мисирков (роман).

Библиографија

Друговац, Миодраг. 1969. „Лазо Каровски или дијалектика на верноста во себе“ во: Каровски, Лазо. Поезија. Скопје: Мисла, 5-23. Ристовски, Блаже. 1980. Македонскиот стих 1900 – 1944. Том I и Том II. Скопје: Мисла.

Живот и дело

Опус

Библиографија

Контакт

Поважни линкови

ЛАЗО КАРОВСКИ

Живот и дело

Опус

Библиографија

Контакт

Поважни линкови