Енциклопедија на македонската книжевност

Живот и дело

Домашната книжевна критика го определува како застапник на контемплативната и максимално интелектуализираната струја во македонската поезија.

Поет, книжевен преведувач и критичар. Дипломирал на Катедрата за општа и компаративна книжевност на Филолошкиот факултет во Скопје (2002). Докторирал на Филозофскиот факултет при Универзитетот „Коменски“ во Братислава, на Катедрата за словачка литература и литерарна наука, во научната област „Теорија и историја на словачката литература“ на тема од модерната словачка поезија: „Модели на метафорична слика во поезијата на Јан Ондруш“ (2007). Подоцна докто...

Работи како универзитетски професор на Катедрата за словенски филологии на Филозофскиот факултет при Универзитетот „Коменски“ во Братислава.

Автор е на поетските книги: Отворени врати (1995), Хорот на гнилите лисја (2000), Срт (2003), Чоколада во портфолио (2010), Нежности без гарантен лист (2012), Чекајќи ја историјата (2016), книжевен поетски избор на словачки јазик Dobrý lovec (2016).

Домашната книжевна критика го определува како застапник на контемплативната и максимално интелектуализираната струја во македонската поезија. Кај Танески песната не значи,ниту означува, таа е и постои, се поистоветува со својот предмет на пеење, па оттаму и онтолошкото сфаќање или карактер што го обележува неговото творештво како стилска доминанта. Јовица Тасевски Етернијан ја определува клучната вредност на поетското писмо на Танески во неговата богата семантичка и фонетска фигуративност. Катица Ќулавкова ја согледува стихозбирката „Чекајќи ја историјата“ како една „комбинирана поетичка стратегија преку вкрстување на принципот иронија со принципот мемоар, на гномичноста со телеграфската опсервација, преку заемно надополнување на цикличноста со/и елиптичноста“ (Ќулавкова 2016: 57). Танески пишува во духот на новата помлада европска поезија, која ѝ отвора на поезијата нови патишта, поетики, теми и интереси, а на читателите им нуди ново доживување на пишаниот збор конечно ослободен од сопствениот зазор и токму затоа толку жив и податлив за нови читања и толкувања.

Добитник е на повеќе книжевни награди во Македонија и во странство, меѓу кои наградата „Ацо Караманов“ (Радовиш, 1997), „Бели мугри“ (Скопје, 2012), златен медал „Poet laureate“ (Манила, Филипини, 2013), плакета за целокупно поетско и научно творештво и за посебни заслуги во областа на славистиката од ректорот на Универзитетот во Варна во рамките на Меѓународниот книжевен фестивал „Словенска прегратка“ на Словенската литературна и уметничка академија (Бугарија, 2015) и др. (Д. А.).

Опус

Отворени врати. 1995. Прилеп: Кубоа (стихозбирка); Хорот на гнилите лисја. 2000. Скопје: Матица македонска (стихозбирка); Срт. 2003. Скопје: Магор (поема); Чоколада во портфолио. 2010. Скопје: Блесок (стихозбирка); Нежности без гарантен лист. 2012 Скопје: Дом на културата „Кочо Рацин“ (стихозбирка); Чекајќи ја историјата. 2016. Скопје: Антолог (стихозбирка).

Библиографија

Андоновски, Венко. 2003. „Вратата на битието и клучевите на јазикот“ во: Срт (Звонко Танески). Скопје: Магор, стр. 49-54; Бановиќ-Марковска, Ангелина. 2010. „Поетското портмоне на Звонко Танески“ во: Книжевно житие, бр. 21-22, стр. 32-34; Мојсова-Чепишевска, Весна. 2011. „За парче чоколада, за шмрк кафе по напишан ред и за уште нешто друго“ во: Игра и симулации. Скопје: Галикул, стр. 210-217; Ќулавкова, Катица. 2013. „Рецензија“ во: Чекајќи ја историјата. Скопје: Антолог, стр. 57.

Живот и дело

Опус

Библиографија

Контакт

Поважни линкови

ЗВОНКО ТАНЕСКИ

Живот и дело

Опус

Библиографија

Контакт

Поважни линкови