Енциклопедија на македонската книжевност

Живот и дело

Ја воведуваат темата на обичното градско или поточно полуградско секојдневие на жената, со јазик кој е остар, суров и ништо не прикрива.

Романсиерка

Нејзиното творештво отвора теми за она што во македонската книжевност не се зборува или малку се зборува, каква што е темата за Голи Оток. Заедно со Румена Бужаровска, ја воведуваат темата на обичното градско или пот...

Романсиерка

Живее и работи во Скопје, каде дипломирала и магистрирала на Факултетот за драмски уметности на Отсекот за филмска и ТВ-монтажа. Има долгогодишно работно искуство на телевизиска монтажа и креативно обликувала над 500 документарни филмови, репортажи и патописи.

Двата романа на Младеновска-Анѓелков во македонската книжевна прозна продукција внесуваат новини кои се добредојдени, а од книжевната критика и од публиката се примени со нескриено задоволство. Ако првиот роман Единаесет жени е посветен на градското, неразубавено секојдневие во кое главните ликови се жени, во Молчи со отворена уста таа се навраќа на ретко застапената тема за логорот на Голи Оток. Освен на тематски план, нејзините романи се интересни и од аспект на композицијата и од аспект на јазикот. Првиот роман е остварен во т.н. постапка на монтажа, инаку доминантна одлика на филмската уметност, а вториот со промена на раскажувачите и фокализацијата. Заедничкиот именител на двата романа е храбриот и бескомпромисен однос кон реалноста, со јазик кој е директен, напати груб, со цел јасно да се проговори за грдата страна на луѓето, преку сликање на автентичноста на локалното, нашето, тукашното. И двата романа се куси, речиси документарни парчиња од големата граѓа на стварноста, исечени и монтирани во една целина.

По осумгодишна пауза од дебитантската книга Единаесет жени, Младеновска-Анѓелков го објавува нејзиниот втор роман Молчи со отворена уста, приказна за нејзиниот дедо, Киро Симонов Младеновски – Казан, затвореник во логорот на Голи Оток. Приказната, доминантно сместена во историскиот контекст на поранешна Југославија, се протега од средината на минатиот век до денес. Но, тоа не е приказна само за страдањата на затворениците, тоа е приказна во која е вовлечено семејството и неговите соочувања со болката, со вистината, со тагата, со насоките во кои мора да се движи семејниот живот. За разлика од претходниот, овој роман е граден на документаристичка основа и вклучува досиеја, извадоци од весници, искази на современици, семејна архива и сл., па може да се смета за наследник на традиција на документаристичката проза на врвните мајстори кај нас.

Добитничка е на наградата Роман на годината за 2011 година. (Л. Г. Ј.)

Повеќе

Автор

СНЕЖАНА МЛАДЕНОВСКА-АНЃЕЛКОВ
1997, Скопје -
современа книжевност
автор

Опус

Единаесет жени. 2011. Скопје: Или-Или (роман); Молчи со отворена уста. 2019. Скопје: Или-Или (роман).

Библиографија

Баковска, Елизабета. „Немаме време за минатото: Молчи со отворена уста“. Блесок бр. 133-135.https://blesok.mk/mk/%d0%bb%d0%b8%d1%82%d0%b5%d1%80%d0%b0%d1%82%d1%83%d1%80%d0%b0/%d0%ba%d1%80%d0%b8%d1%82%d0%b8%d0%ba%d0%b0-%d0%bb%d0%b8%d1%82%d0%b5%d1%80%d0%b0%d1%82%d1%83%d1%80%d0%b0/%d0%bd%d0%b5%d0%bc%d0%b0%d0%bc%d0%b5-%d0%b2%d1%80%d0%b5%d0%bc%d0%b5-%d0%b7%d0%b0-%d0%bc%d0%b8%d0%bd%d0%b0%d1%82%d0%be%d1%82%d0%be-%d0%bc%d0%be%d0%bb%d1%87%d0%b8-%d1%81%d0%be-%d0%be%d1%82%d0%b2%d0%be/2/

Ѓонеска, Билјана. 2019. „Необичен брак помеѓу единаесетте раскази за мажот и единаесетте жени во расказот (Кон Мојот маж на Румена Бужаровска и Единаесет жени на Снежана Младеновска Анѓелков, во издание на Или-Или, Скопје)“. Окно, 23.1.2019. <https://okno.mk/node/76296> пристапено на 10.1.2022.

Мартиноска, Ана. 2021. „Женско писмо без наводници“. Спектар бр. 77.

Живот и дело

Опус

Библиографија

Контакт

Поважни линкови

СНЕЖАНА МЛАДЕНОВСКА-АНЃЕЛКОВ

Живот и дело

Опус

Библиографија

Контакт

Поважни линкови