ЉУБОМИР ВЕСОВ

Живот и дело

Поезијата на Љубомир Весов се согледува како модерен поетски сензибилитет под влијание на симболистичките струења.

Поет и револуционер. Афинитетот кон литературата го пројавил уште во текот на основното образование кое го стекнал во родниот град. Школувањето го продолжил на трговскиот оддел на Солунската егзархиска гимназија, по чиешто завршување запишал правни студии на Софискиот универзитет. Ова е времето кога ги објавува своите први песни во софиското списание „Демократски преглед“ (1914). Реномето писател го остварува со поетските објави во следните години на страниците на списанието за на...

Поет и револуционер. Афинитетот кон литературата го пројавил уште во текот на основното образование кое го стекнал во родниот град. Школувањето го продолжил на трговскиот оддел на Солунската егзархиска гимназија, по чиешто завршување запишал правни студии на Софискиот универзитет. Ова е времето кога ги објавува своите први песни во софиското списание „Демократски преглед“ (1914). Реномето писател го остварува со поетските објави во следните години на страниците на списанието за наука и критика „Земја“ (1919), потоа во „Везни“ и „Современа илустрација“ (1921). Понесен од волјата на револуционерниот дух Весов ги напушта студиите по право и пишувањето и стапил во четата на Пандо Сидов и Васил Чакаларов. Животот го завршил трагично во судир со српската жандармерија.
Поезијата на Љубомир Весов се согледува како модерен поетски сензибилитет под влијание на симболистичките струења. Овој поетски корпус што е објавен во бугарската периодика и делумно зачуван во ракопис е постхумно објавен во 1923 г. во издание на Македонското студентско друштво „Вардар“ од Софија, од страна на неговите пријатели и почитувачи со наслов Љ. Весов – Стихотворенија. Томислав Тодоровски го пренесува податокот дека песните на Љубомир Весов биле преведени на германски јазик од страна на Мели М. Шишманова во книгата: Љубомир Весов, Песни, Македонско студентско здружение во странство, бр. 1, 1925 (Тодоровски 2008: 286). Поетското творештво на Весов е достапно на македонски јазик преку изданието Песни од 1996 г., во препев на Гане Тодоровски, Георги Сталев, Петар Т. Бошковски, Љупчо Стојменски и Евтим Манев, а во редакција на Васил Тоциновски.  (Д. А.)