ДИМЧЕ МАЛЕНКО

Живот и дело

Раскажувач, поет, драмски автор.

 Основното образование го стекнал во Охрид, а Учителска школа завршил во Белград. Дипломирал на Филозофскиот факултет во Скопје. Бил активен учесник во НОБ. По ослободувањето работи како гимназиски професор. Член на Друштвото на писателите на Македонија од 1971 година.

Димче Маленко својата прва песна „Портрет“, посветена на неговиот соборец, сликарот Андон Дуков кој загинува во текот на Февруарскиот поход, ја објавува во 1944 г. во рамки на ѕидниот весник на Охридска...

 Основното образование го стекнал во Охрид, а Учителска школа завршил во Белград. Дипломирал на Филозофскиот факултет во Скопје. Бил активен учесник во НОБ. По ослободувањето работи како гимназиски професор. Член на Друштвото на писателите на Македонија од 1971 година.

Димче Маленко својата прва песна „Портрет“, посветена на неговиот соборец, сликарот Андон Дуков кој загинува во текот на Февруарскиот поход, ја објавува во 1944 г. во рамки на ѕидниот весник на Охридската бригада во с. Велмеј. Во тој период го создал и текстот на „Маршот на Охридската бригада (автор на музиката е Никола Јанев). Многу години подоцна, во 1983 г., Маленко, кој по Втората светска војна се посветува на прозно и драмско творештво, песните пишувани во текот на овој период ги објавува во стихозбирката Мачници.

Првиот роман на Маленко, Слободољубиви човекољупци, е со тема од НОБ. Осврнувајќи се на книгата Паркот на Јоновци, критичарот Тодор Чаловски пишува дека станува збор за раскази кои „впечатливо укажуваат на едно прозно искуство, потпрено врз фолклорната раскажувачка традиција“ (Чаловски 1998: 279). Според Миодраг Друговац, и прозното и поетското творештво на Маленко се одликува со „посебен квалитет на колоритноста и мелодиозноста на охридскиот говор“ (Друговац 1990: 241). 

Автор е на драмските текстови Самуил (1969), Прокуденик (1972), Унер (1976), Рани раскапи (1987), кои биле објавени на страниците на сп. Културен живот. (Г. С.)