ЛИЛЈАНА ЧАЛОВСКА

Живот и дело

Поетеса, општествено-политички работник.

 Лилјана Чаловска била член на СКОЈ од 1939 г. и член на КПЈ од 1940 година. Активно се вклучува во НОБ, и е носител на „Партизанска споменица 1941“. Како дел од редакцијата го уредува првиот број на сп. Млад борец од 22 март 1944 година. Делегат е на Второто заседание на АВНОЈ, како и член на Президиумот на АСНОМ на 2 август 1944 година. По Втората светска војна завршила Виша политичка школа во Белград. Била уредник на дневниот в. Борба од Белград, пратеник во ...

 Лилјана Чаловска била член на СКОЈ од 1939 г. и член на КПЈ од 1940 година. Активно се вклучува во НОБ, и е носител на „Партизанска споменица 1941“. Како дел од редакцијата го уредува првиот број на сп. Млад борец од 22 март 1944 година. Делегат е на Второто заседание на АВНОЈ, како и член на Президиумот на АСНОМ на 2 август 1944 година. По Втората светска војна завршила Виша политичка школа во Белград. Била уредник на дневниот в. Борба од Белград, пратеник во Собранието на Социјалистичка Република Македонија и во Собранието на СФРЈ. Член на Друштвото на писателите на Македонија од 1967 година.
Лилјана Чаловска својот поетски пат го започнува релативно доцна, со стихови поттикнати од војната во Виетнам, кои се објавени во нејзината прва стихозбирка Бдение за Виетнам. Осврнувајќи се на поетскиот опус на Чаловска, Миодраг Друговац констатира дека тој честопати се одликува „со развиено чувство за поетски интерполирања и елегантна дикција што во одделни песни го пленува читателот со изворноста и естетската чистовина на исказот“ (Друговац 1990: 426).  (Г. С.)