ДЕПА КАВАЕВА

Живот и дело

Главниот информатор на браќата Миладиновци при подготовката на нивниот Зборник.

Собирачка и интерпретаторка на народни песни, една од најпознатите македонски народни пејачки.

Потекнува од познатата струшка фамилија Миладиновци. Депа Каваева била главниот информатор на браќата Миладиновци при подготовката на нивниот Зборник. Честопати е поврзувана со животот и дејноста на Григор Прличев како негова можна љубов, можна свршеница, но и како можна коавторка на песната „Во илјада седумстотин шеесет и второ лето“. Подоцна се замонаш...

Собирачка и интерпретаторка на народни песни, една од најпознатите македонски народни пејачки.

Потекнува од познатата струшка фамилија Миладиновци. Депа Каваева била главниот информатор на браќата Миладиновци при подготовката на нивниот Зборник. Честопати е поврзувана со животот и дејноста на Григор Прличев како негова можна љубов, можна свршеница, но и како можна коавторка на песната „Во илјада седумстотин шеесет и второ лето“. Подоцна се замонашила под името Касијана.

Се знае дека на Миладиновци им испеала околу 150 песни, кои припаѓаат на следниве категории: самовилски песни, други ста­ри, црковни, јуначки, свадбени, лазарски и жетварски песни, како и свад­бени обичаи. Депа ги слушала песните од својот татко, а подоцна ги реинтерпретирала, односно ги препејувала, ги дотерувала и создавала нови. Слично како Дафина од Просеник, Депа Каваева била способна да памети и да импровизира. Од големиот број песни испеани на Миладиновци, по својата содржина особено се впечатливи следните кои укажуваат на нејзината поетска дарба: „Јован Попов и самовила“ (п. 1, стр. 13-14), „Јана и Детелин војвода“ (п. 15, стр. 23), „Свети Петар и мајка му“ (п. 44, стр. 54-55), „Два брата и сест­ра“ (п. 56, стр. 73-77), „Краљ Шишман, краљ Латина и овчар Табарина“ (п. 57, стр. 78-82). Според некои истражувања постојат можности самата да пишувала оригинални поетски творби, кои за жал, не се зачувани.

Интересот за Депа Каваева е многу поголем во однос на сите други македонски интерпретаторки на народни умотворби. За нејзиниот живот пишувале повеќемина истражувачи: Петар Чакар, Филип Каваев, Никола Кукунешоски, Гане Тодоровски, Васил Тоциновски и др. Таа е инспирација и за повеќемина современи македонски автори и нивните поетски прозни дела, и се јавува како книжевен лик во делата на: Загорка Присаѓанец-Тодоровска, Драги Михајловски и Милутин Стефановски. (С. К.)