ГЕРАСИМ

Живот и дело

Книжевен деец кој дејствувал во манастирот „Св. Богородица“ – Матејче, Кумановско.

Книжевен деец кој дејствувал во манастирот „Св. Богородица“ – Матејче, Кумановско. Тој во 1409 година, во рамките на манастирот, го пишувал ракописот Дијалог на Григориј папата Римски или Римски патерик, по порачка на деспотицата Евдокија, ќерка на зетскиот владетел Ѓурѓе Балшиќ и сопруга на јанинскиот деспот Исаул. Кон ракописот инок Герасим оставил запис богат со информации за местото и за времето кога е пишуван, а потенцирана е и нарачката од страна на деспотицата Евдокиј...

Книжевен деец кој дејствувал во манастирот „Св. Богородица“ – Матејче, Кумановско. Тој во 1409 година, во рамките на манастирот, го пишувал ракописот Дијалог на Григориј папата Римски или Римски патерик, по порачка на деспотицата Евдокија, ќерка на зетскиот владетел Ѓурѓе Балшиќ и сопруга на јанинскиот деспот Исаул. Кон ракописот инок Герасим оставил запис богат со информации за местото и за времето кога е пишуван, а потенцирана е и нарачката од страна на деспотицата Евдокија. Податоците во записот и порачката зборуваат за угледот на овој наш книжевник и на книжевниот центар во кој работел. Ракописот се наоѓал во манастирот „Св.Павле“ во Света Гора, каде што и денес се наоѓа неговиот главен дел. Еден лист од него се чува во Публичната библиотека во Санкт Петербург, во збирката на Успенски, под сигн. F.I. бр.632. (М. Ј.-Т.)