ГРИГОРОВИЧЕВО ЕВАНГЕЛИЕ

Опис на делото

Средновековен книжевен ракопис пишуван во почетокот на XIV век (1301-1307 г.). Содржи 58 листови напишани со кирилско старословенско писмо од глаголска предлошка ‒ 38 пергаментни и 20 со текст пишуван врз бомбицина. Во пишувањето учествувале еден главен пишувач и тројца помошници. Според правописните и јазичните особености се констатира дека ракописот е произлезен во рамките на Охридската книжевна школа. Според содржинската структура претставува полно апракосно евангелие од посебен тип, слично на српското Мирославово евангелие. Структурата на текстот е архаична, при што има поделба на Амониевите глави, а се присутни и Еузбиеви канони. Вклучени се евангелски читања за сите денови од неделата, од средата во третата недела од Педесетницата до четвртокот од третата недела. Ракописот е пронајден од Виктор Григорович и се чува во неговата збирка во Руската државна библиотека, ф. 87, сигн. 9. (С. П.-Ѓ.)