Енциклопедија на македонската книжевност

Живот и дело

Опитен книжевник кој кон крајот на XV век дејствувал во скопските манастири. Заедно со друг анонимен книжевник пишувал Пентикостар за потребите на манастирот во Матка и во Шишевскиот „Св. Никола“, во Скопско. За него податоци црпиме од неговиот запис, во кој нѐ информира дека дека при крајот на XV век работел во Скопскиот регион. Ракописот бил пишуван во 1488 година, по барање на протопоп Добре, но не е прецизно утврдено дали бил пишуван за потребите на манастирот Матка или пак за Шишевскиот манастир. Првиот од книжевниците, анонимниот, пишувал од л. 1. до л. 62б, а вториот е Евстратиј, кој пишувал од л. 63а, па сѐ до крајот – до л. 348б. Врз ракописот има уште многу други записи, оставани главно во текот на XVIII – XIX век, во кои главно се одбележува доаѓањето на бројни црковни и световни лица, и притоа се бележи нивниот престој во манастирот во Матка и во Шишевскиот манастир. Интересно е што врз ракописот има најстар автографски запис од 1801 година, оставен од раката на Кирил Пејчиновиќ , од времето кога ракописот се чувал во Шишевскиот манастир. Ракописот во Софија бил доставен од Бугарската Егзархија во Цариград. Денес се чува во Софија, БАН, под бр.46. (М. Ј.-Т.)

Библиографија

Кодов, Христо. 1969. Опис на славянските ръкописи в библиотеката на Българската академия на науките. София: БАН, бр. 46, стр. 85-88; Иванов, Й. 1970. Български старини из Македония. София: БАН, стр. 121-122; Јакимовска-Тошиќ, Маја. 2001. Македонската книжевност во XV век. Скопје: ИМЛ, стр. 123; Поп-Атанасов, Ѓорги, Велев, Илија, Јакимовска-Тошиќ, Маја. 2004. Творци на македонската литература (IX-XVIII век). Скопје: ИМЛ, стр. 253-254.

Живот и дело

Опус

Библиографија

Контакт

Поважни линкови

ЕВСТРАТИЈ

Живот и дело

Опус

Библиографија

Контакт

Поважни линкови