Енциклопедија на македонската книжевност

Живот и дело

Плоден книжевник од XVI век, кој дел од својата активност ја остварувал како монах во Слепченскиот книжевен центар „Св. Јован Претеча-Продром“.

Плоден книжевник од XVI век, кој дел од својата активност ја остварувал како монах во Слепченскиот книжевен центар „Св. Јован Претеча-Продром“, а подоцна, околу 1550 г. заминал во Косово во „Воисиловица“ и во манастирот „Св. Архангел Михаил“ во с. Росиница. Се смета за соработник, а можеби и ученик на Висарион Дебарски . Најверојатно, причина за негова преселба во Косово се тешките услови за живот и прогонувањата од страна на турските власти. Автор е на 10 ракописи, врз кои оставил записи, информирајќи за околностите во кои творел и за тешката состојба под турска власт. Неговите ракописи се: 1) Требник од 1540 г. Белград, НБ (Стара збирка) бр. 309/494, 2) Минеј од 1545 (зачувани се 4 л. земени од А. Гилфердинг, Санкт Петербург, Публична библиотека, F.I. 488). А. Гилфердинг запишал дека ракописот го нашол во Слепче и го препишал записот на јеромонахот Пахомиј. Непозната е судбината на целиот ракопис, 3) Зборник со аскетски состави од 1545 г. најден во библиотеката на Слепченскиот манастир, бр. 14, земен од истражувачите на Рускиот археолошки институт во Цариград, со непознато место на чување денес, 4) Служебник од 1547 (Загреб, ХАЗУ, сигн.III c 25, Мошин 166), 5) Минеј за јуни со пролози од 1546 до1547 (Софија, НБ, бр. 914). Има запис дека Пахомиј го пишувал ракописот во Слепче за време на егуменот кир Серафим, 6) Минеј од 1550 г. допишан од дијак Ратко, кој се чувал во Епархиската библиотека во Нови Сад, а потоа неговата трага се губи, 7) Пролог за март-август 1560, пишуван во манастирот „Воисиловица“ – „Св. Богородица“, (Белград, НБ (стара збирка), бр. 396 (686), изгорел во пожарот од 6. Април 1941, 8) Минеј за октомври од 1575 пишуван во манастирот „Русиница“, „Св. Троица“, непознато место на чување, 9) Панегирик, средината на XVI век, наменет за манастирот „Русиница“. Ракописот бил пронајден во Скопска Црна Гора и донесен во Бугарското трговско претставништво во Скопје (Софија, НБ, бр. 443), 10) Паренезис на Ефрем Сирин, средината на XVI век (Софија, НБ, бр.1031) и др. Според содржината на неговите ракописи се гледа дека тој се придружувал до литературната традиција на Слепченскиот книжевен центар, ориентирајќи се кон патерично-хагиографска и литургиска литература, што говори и за солидната наобразба на книжевникот. (М. Ј.-Т.)

Повеќе

Автор

ПАХОМИЈ СЛЕПЧЕНСКИ
XVI век - XVI век
средновековна книжевност
автор

Опус

Преписи:

Требник. 1540. Белград: Народна библиотека (Стара збирка) бр. 309/494; Минеј. 1545. Санкт Петербург: Публична библиотека, 4л., F.I. 488; Зборник со аскетски состави. 1545. Потекнува од Слепченскиот манастир, бр. 14, денес - непознато место на чување; Служебник. 1547. Загреб: ХАЗУ, сигн. III c 25, Мошин 166; Минеј за јуни со пролози. Од 1546 до 1547. Софија: НБ, бр. 914; Минеј. 1550. Се чувал во Епархиската библиотека во Нови Сад, денес - непознато место на чување; Пролог за март-август. 1560. Белград: Народна библиотека (Стара збирка), бр. 396 (686); Минеј за октомври. 1575. Непознато место на чување; Панегирик. Средината на XVI век. Софија: НБ, бр. 443; Паренезис на Ефрем Сирин. Средина на XVI век. Софија: НБ, бр. 1031.

Библиографија

Ангелов, Боню. Ст. 1978. Из старата българска, руска и сръбска литература, кн. 3, София: БАН, стр. 256-264; Поп-Атанасов, Ѓорги. 1989. Речник на старата македонска литература. Скопје: Македонска книга. стр. 215; Поп-Атанасов, Ѓорги, Велев, Илија, Јакимовска-Тошиќ, Маја. 1997. Скрипторски центри во средновековна Македонија. Скопје: ИМЛ, стр. 338-341; Поп-Атанасов, Ѓорги, Велев, Илија, Јакимовска-Тошиќ, Маја. 2004. Творци на македонската литература (IX-XVIII век). Скопје: ИМЛ, стр. 278-279.

Живот и дело

Опус

Библиографија

Контакт

Поважни линкови

ПАХОМИЈ СЛЕПЧЕНСКИ

Живот и дело

Опус

Библиографија

Контакт

Поважни линкови