ПОП ЛАЗАР КРАТОВСКИ

Живот и дело

Истакнат книжевник од Кратовско-лесновскиот книжевен центар, ученик на Јоан Кратовски.

Истакнат книжевник од Кратовско-лесновскиот книжевен центар, ученик на Јоан Кратовски . Во 1564 г., во време на кратовскиот кнез Димитар, кој бил економ на Охридската архиепископија, тој пишувал Житие и Служба за Св. Никола Нови Софиски и Служба за апостолот Андроник, вкоричени во Зборник заедно со други преписи на хагиографски, химнографски и ораторско-прозни текстови, пишувани од друга рака (Софија, ЦИАИ, ...

Истакнат книжевник од Кратовско-лесновскиот книжевен центар, ученик на Јоан Кратовски . Во 1564 г., во време на кратовскиот кнез Димитар, кој бил економ на Охридската архиепископија, тој пишувал Житие и Служба за Св. Никола Нови Софиски и Служба за апостолот Андроник, вкоричени во Зборник заедно со други преписи на хагиографски, химнографски и ораторско-прозни текстови, пишувани од друга рака (Софија, ЦИАИ, бр. 1521). Тој ја продолжил праксата да пишува по нарачка, па така овие состави ги пишувал на барање на софискиот книжевник Матеј Граматик. Во мај 1571 г. се преселил во Лесновскиот скит „Успение на Св. Богордица Пиржанска“ покрај реката Злетовштица, каде што продолжил со книжевна дејност. Евидентирани се уште два негови ракописи пишувани во 1571 и 1572 г.: Службен минеј (Москва, ДИМ, Хлудов бр. 148) и Стиховен пролог за јуни-ноември, нарачан од јеромонахот Сава, во време на игуменот, јеромонах Павле, син на Мороздвискиот епископ Никифор (Загреб, ХАЗУ, III c 14, Михановиќ 13). (М. Ј.-Т.)