ЈЕРОМОНАХ ЗАХАРИЈ

Живот и дело

Книжевен деец кој дејствувал во Трескавичкиот манастир „Успение Богородично“, Прилепско.

Книжевен деец кој дејствувал во Трескавичкиот манастир „Успение Богородично“, Прилепско. За него постојат многу малку податоци. Својата книжевна и духовна дејност, во почетокот на XVIII век ја остварувал во манастирот Трескавец, во периодот кога овој манастир имал улога на значаен книжевен центар, во кој биле пишувани и истовремено подврзувани книги за самиот манастир, но и за потребите на помалите манастири и цркви во пошироката околина. Во овој манастир јеромонахот Захариј остав...

Книжевен деец кој дејствувал во Трескавичкиот манастир „Успение Богородично“, Прилепско. За него постојат многу малку податоци. Својата книжевна и духовна дејност, во почетокот на XVIII век ја остварувал во манастирот Трескавец, во периодот кога овој манастир имал улога на значаен книжевен центар, во кој биле пишувани и истовремено подврзувани книги за самиот манастир, но и за потребите на помалите манастири и цркви во пошироката околина. Во овој манастир јеромонахот Захариј оставил записи врз четири ракописи, кои во 60-тите години на XIX век, во времето на посетата на рускиот архимандрит Антонин Капустин, сѐ уште биле во манастирот. Тој, во 1712 година во манастирот Трескавец пишува Минеј, што е потврдено со записот што самиот го оставил врз ракописот. Денес не е познато каде се чува овој ракопис. Исто така е неизвесна и судбината на останатите ракописи што тој ги потпишал во манастирот Трескавец, каде што и ја остварувал својата духовно-просветна дејност. (М. Ј.-Т.)