Енциклопедија на македонската книжевност

Живот и дело

Во 1720 година во манастирот Трескавец, го пишува ракописот „Чуда на пресвета Богородица“, за што сведочат записите што самиот ги оставил: на л. 156б и на л. 183.

Веројатно бил роден во последните десетлетија на XVII век, бидејќи на книжевен план евидентно се јавува во 1720 година. Дејствувал на територијата на Македонија, престојувал и дејствувал во манастирот „Успение на Св. Богородично“, Трескавец, кога игумен на манастирот бил јеромонахот Теофан. Можно е во текот на животот јеромонахот Гаврил да одел на поклонение на Христовиот гроб во Ерусалим. Во 1720 година во манастирот Трескавец, го пишува ракописот „Чуда на пресвета Богородица“, за што сведочат записите што самиот ги оставил: на л. 156б и на л. 183. Од средината на XVIII век овој ракопис се чувал во Марковиот манастир „Св. Димитар Солунски“ кај Скопје. Оттаму е земен и во триесеттите години на XX век скопскиот митрополит Јосиф Цвијовиќ го однесол во Белград. Денес ракописот се чува во Белград, Универзитетската библиотека „Светозар Марковиќ“, под бр.27. Ракописот содржи 183 листа, а пишуван е со брзописно писмо и илуминиран со знаменца и иницијали. Опфаќа 58 Богородични чуда, а почетокот на секое чудо е обележано со убав иницијал. Врз ракописот има и други записи и од времето на неговиот престој во Марковиот манастир: во 1807 година запис оставил Кирил (најверојатно Пејчиновиќ ) од Марков манастир, Михаил од Тетово, во 1837 година, Арсение, има записи во кои се споменуваат Прилеп, Солун, егумен кир Теофан Јеромонах и др. (М. Ј.-Т.)

Библиографија

Поп-Атанасов, Ѓорги, Велев, Илија, Јакимовска-Тошиќ, Маја. 1997. Скрипторски центри во средновековна Македонија. Скопје: ИМЛ, стр. 356; Поп-Атанасов, Ѓорги, Велев, Илија, Јакимовска-Тошиќ, Маја. 2004. Творци на македонската литература (IX-XVIII век). Скопје: ИМЛ, стр. 325.

Живот и дело

Опус

Библиографија

Контакт

Поважни линкови

ЈЕРОМOНАХ ГАВРИЛ ТРЕСКАВИЧКИ

Живот и дело

Опус

Библиографија

Контакт

Поважни линкови