АЦО КАРАМАНОВ

Живот и дело

КАРАМАНОВ, АЦО (31. I. 1927, Радовиш – 7. X. 1944, c. Смојмирово, Беровско) е македонски поет и учесник во НОБ. Тој е ретко надарен автор со кревка природа, чијашто животна врвица прерано била прекината.

Роден е во Радовиш, но поради службата на татко му на тримесечна возраст со семејството се преселил во Србија. Се школувал на српски јазик во Велико Ореше, Смедерево и во Скопје. Активно се вклучил во младинското револуционерно движење во тек...

КАРАМАНОВ, АЦО (31. I. 1927, Радовиш – 7. X. 1944, c. Смојмирово, Беровско) е македонски поет и учесник во НОБ. Тој е ретко надарен автор со кревка природа, чијашто животна врвица прерано била прекината.

Роден е во Радовиш, но поради службата на татко му на тримесечна возраст со семејството се преселил во Србија. Се школувал на српски јазик во Велико Ореше, Смедерево и во Скопје. Активно се вклучил во младинското револуционерно движење во текот на Втората светска војна. Како седумнаесетгодишен партизан бил убиен на Малешевските Планини пред крајот на Војната.

 Пишувал поезија уште од рана младост на српски и на бугарски јазик. Неговата оставина ја сочинуваат околу двесте и осумдесет песни, белешки, неколку раскази („Човекот што испил арсеник“, „Очите на мртовецот“, „Мојот другар“), дневнички записи, писма, започнат роман („Трупот со сини очи“). Неговото творештво останало во ракопис сè до 1964 г. кога неговиот соученик и публицист Радослав Пешиќ објавил, во свој превод, дел од стиховите од А. Караманов во збирката поезија – Црвената пролет. Потоа следат и други избори од неговото творештво составени од критичарот Милан Ѓурчинов, кој исто така бил негов соученик во Првата машка гимназија во Скопје.

Во негова чест, во Радовиш се одржува манифестацијата „Караманови поетски средби“. (Ј. М.- Г.)