Енциклопедија на македонската книжевност

Живот и дело

Книжевник од времето на владеењето на крал Марко во Прилепското Кралство (1371 – 1395), каде што и се занимавал со книжевна дејност.

Книжевник од времето на владеењето на крал Марко во Прилепското Кралство (1371 – 1395), каде што и се занимавал со книжевна дејност. Како дијак препишал Празничен минеј за црквата во селото Калугерец кај Македонски Брод, кој се чува во Москвскиот државен историски музеј – Хлудов бр. 164. Ракописот содржи преписи на служби за целогодишниот празничен циклус од неподвижниот црковен календар, а на крајниот дел е препис од Цветен триод. Неговата содржина претставува своевидна химнографска антологија од песнопеења на византиски автори, но има и преписи од оригиналното словенско хримнографско творештво: најстарата текстуална редакција на Службата за св. Петка; Канон за св. Димитриј Солунски од св. Методиј ; анонимен Канон за Воведението Богородично со акростих; циклусот Азбучни стихири за претпразнувањето на Раѓањето Христово од св. Климент Охридски ; Канон за Раѓањето Христово со акростих од Константин Презвитер ; циклусот Азбучни стихири за претпразнувањето на Богојавлението, веројатно од св. Климент Охридски; Канон за Богојавлението со фразов акростих од св. Климент Охридски; дел од Канонот за Симеон Богопримател со акростих од св. Климент Охридски; Служба за св. Кирил Филозоф; Канон за св. Ахил Лариски; Канон за Успение Богородично со акростих од св. Климент Охридски; и др. Структурите на препишаните служби не се според новите литургиски реформи во тоа време и ги следат упатствата на Студискиот типик, а некои од нив дури имаат архаична форма типична за најраниот период од развојот на словенската химнографија. Книжевникот оставил повеќе записи со книжевна и историска важност, а во поголемиот од нив дава и лични семејни податоци за своето потекло. Истакнатата книжевна опитност во ракописот сведочи дека книжевникот напишал и други бројни ракописи, кои не се зачувани до нашата современост. (И.В.)

Повеќе

Автор

ДОБРЕ РАДОВ
прва половина на XIV, с. Маргари кај Прилеп - кон крајот на XIV век
средновековна книжевност
автор

Опус

Преписи:

Празничен минеј (со бројни преписи од оригинални словенски творби). Москва: Државен историски музеј, Хлудов бр. 164.

Библиографија

Велев, Илија. 2014. Историја на македонската книжевност. т. 1. Средновековна книжевност (IX-XIV век). Скопје: Гирланда, стр. 470; Велев, Илија. 1996. Македонскиот книжевен XIV век. Скопје: Веда, стр. 73-75; Македонска книжевност IX-XVIII век. Избор, редакција, предговор, книжевно-историски коментари и белешки Илија Велев. Битола: Микена, стр. 261-263; Мирчева, Бойка. 1998. „Преписът на Службата на Кирил в ръкопис бр. 164 от сбирката на А. И. Хлудов в Държавния исторически музей в Москва“. Paleobulgarica/Старобългаристика, 22, бр. 4, стр. 42-49; Николова, Светлина, Мария Йовчева, Таня Попова и Лора Тасева. 1999. Българското средновековно културно наследство в сбирката на Алексей Хлудов в Държавния исторически музей в Москва. Каталог. София: Кирило-Методиевски науч. Център; Иван Вазов, оп. бр. 40, стр. 46-48; Поп-Атанасов, Ѓорги, Велев, Илија и Јакимовска-Тошиќ, Маја . 1997. Скрипторски центри во средновековна Македонија. Скопје: ИМЛ, стр. 85-87; Поп-Атанасов, Ѓорги, Велев, Илија и Јакимовска-Тошиќ, Маја . 2004. Творци на македонската литература (IX-XVIII век). Скопје: ИМЛ, стр. 173-180; Попов, Георги. 1982. „Новооткрити химнографски произведения на Климент Охридски и Константин Преславски“. Български език, 32, бр. 1, стр. 3-36; Станчев, Красимир и Попов, Георги. 1988. Климент Охридски. Живот и творчество. София: Унив. изд. Климент Охридски, стр. 145-147.

Живот и дело

Опус

Библиографија

Контакт

Поважни линкови

ДОБРЕ РАДОВ

Живот и дело

Опус

Библиографија

Контакт

Поважни линкови