ПОФАЛНО СЛОВО ЗА СВ. ВЕЛИКОМАЧЕНИК ДИМИТРИЈ СОЛУНСКИ

Опис на делото

Пофалното слово за Св. великомаченик  Димитриј Солунски на Димитриј Кантакузин претставува оригинално ораторско-прозно книжевно дело, составена во периодот меѓу 1479 и 1480-1482 година. Како повод послужило славењето на празникот на Св. Димитриј Солунски, како дел од традицијата востановена од најистакнатите книжевници кои пишуваат оригинални творби посветени на овој светител (Св. Методиј Солунски, Св. Климент Охридски, Григориј Цамблак). Подвлеченото писателско мајсторство упатуваат дека Димитриј Кантакузин творбата ја пишувал во зрели творечки години. Низ похвалата прозвучуваат современи ноти што се однесуваат на актуелни настани за неговото време и на моменти таа се доживува како повик за зачувување на верата низ примерот на некогашните маченици. Можно е авторот да ја создал за исполнување во конретен храм посветен на Св. великомаченик Димитриј Солунски. Словото е зачувано во три преписи, од кои првиот е во Зборникот на Владислав Граматик од 80-тите години на XV век, каде што се поместени и други состави посветени на Св. Димитриј Солунски (Санкт Петербур, РНБ, Вјаз. Q. 279, л.161а-175 б). (М. Ј.-Т.)